Partizanit dhe Skënderbeut, ishte një nga ndeshjet më të bukura të javës së 10-të të Kategorisë Superiore. Një stadium i mbushur plot dhe pas asnjë llojë incidenti duke e kthyer 90-minutëshin në një argëtim.
Përmes një postimi në rrjetin social “Facebook”, klubi i Partizanit ka falënderuar tifozët e pranishëm në stadium, ndërkohë që për banderolën “1 grek më pak, 1 bastard më pak’ është distancuar.
“Falë masave të marra organizative, takimi Partizani–Skënderbeu rezultoi një festë e vërtetë sportive e denjë për një ndeshje vitrinë të kampionatit tonë. Njëkohësisht dëshirojmë të distancohemi nga episodet sporadike (rasti i banderolës), të cilat nuk kanë lidhje me eventin sportiv, dhe bien ndesh me politikat Fair–Play të Klubit. Sporti duhet ti bashkojë njerëzit dhe jo të krijojë përçarje mes tyre.
Një falënderim i veçantë shkon për tifozerinë e kuqe, e cila me pjesëmarrjen e saj masive,në këtë ndeshje, këngët dhe përkrahjen e fuqishme përgjatë gjithë takimit, dhuruan një atmosferë të mrekullueshme”, thuhet në njoftimin e klubit.
ma.me
