Presidenti i Republikës, Bajram Begaj priti në një takim Mbretin e Jordanisë, Abdullah II.
Ceremonia zyrtare pritëse u bë tek Presidenca, ku të pranishëm ishin dhe delegacionet përkatëse e dy shteteve ku më pas pati një takim kokë më kokë mes m Presidentit Begaj dhe Mbretit të Jordanisë, Abdullah II.
Ndërkohë është zbardhur takimi mes tyre ku bëhet e ditur se është biseduar për rritjen e dialogut politik dhe bashkëpunimin ekonomik e tregtar.
Begaj shprehet se me rëndësi është rritja e shkëmbimeve tregtare dhe e investimeve jordaneze në Shqipëri, teksa iniciativën e Procesit të Aqaba-s, e ka quajtur një nismë e suksesshme në luftën kundër terrorizmit.
“Me rëndësi rritja e shkëmbimeve tregtare dhe e investimeve jordaneze në Shqipëri. Jordania, mbështetje Kosovës për njohje të reja dhe hyrje në organizmat ndërkombëtarë. Shqipëria mbështet hapjen e zyrës ndërlidhëse të NATO-s në Jordani. Jordania, vend partner i rëndësishëm në krahun jugor të NATO-s. Iniciativa e Procesit të Aqaba-s, një nismë e suksesshme në luftën kundër terrorizmit. Shqipëria vlerëson rolin kyç të Jordanisë për paqen dhe stabilitetin në Lindjen e Mesme”, tha Begaj në takim.
Kjo është hera e dytë të Abdullah II që vjen në vizitë zyrtare në Shqipëri, pasi ai zhvilloi takim me kryeministrin Edi Rama më 12 Maj të vitit 2015
