Pas një takimi për rreth dy orë mes tij dhe kryetarit të parlamentit Meta, Ambasadori Donald Lu, përmes një njoftimi për shtyp të ambasadës së SHBA-ve, është shprehur se Shtetet e Bashkuara shpresojnë që kryeparlamentari do të mbështesë reformën në drejtësi.
Ambasadori Donald Lu dhe Kryetari i Kuvendit Ilir Meta zhvilluan një takim pozitiv sot. Ambasadori Lu u angazhua të vazhdojë të punojë ngushtë me parlamentin për zbatimin e reformës në drejtësi.
Ambasada e SHBA ka besim të madh që me mbështetjen e Kryetarit të Kuvendit Meta, Shqipëria do të realizojë këtë reformë historike për të gjithë shqiptarët.
Kryetari i Kuvendit Meta dhe Ambasadori Lu diskutuan gjithashtu edhe për rëndësinë e reformës zgjedhore dhe procesin e dekriminalizimit./a.k
