Milaim Zeka thotë se arsyeja e takimit urgjent të zhvilluar një javë më parë mes kryeministrave Albin Kurti dhe Edi Rama nuk është kriza energjitike. Sipas analistit, Kosova është në prag të një sulmi ushtarak nga Serbia dhe NATO ka dhënë informacion.
I ftuar në një emision televiziv, Zeka ka thënë se Aleanca Ushtarake e NATO-s ka informacion për lëvizjet në Serbi, pasi sipas analistit presidenti Vuçiç ka thërritur në gatishmëri rezervistë e ushtarakë të dalë në pension.
“Nuk dua të spekuloj, por e kam një informacion, nga një zyrtar i lartë në Preshevë, Medvegjë dhe Bujanovc, që presidenti serb i ka thirrur në alarm ushtarakë, të gjithë rezervista dhe ushtarakë të pensionuar.
Do të thotë ka një alarm ushtarak, që do të thotë të gjithë ushtarakët serbë janë stacionuar në kufi me Kosovën.
Kjo është arsyeja pse Albin Kurti ndërpreu konferencën dhe erdhi urgjent. Pse erdhi dhe kush ia dha informacionin Edi Ramës? Si anëtar i NATO-s Edi Rama merr informacion të klasifikuar.
NATO në Malin e Zi i jep vetëm Gjukanoviçit, por jo Abazoviçit, për shkak të lidhjeve të tij me Serbinë, Abazoviçi s’ka marrë kurrë informacion të klasifikuar nga NATO.
Edi Rama, Gjukanoviçi dhe Kurti e kanë marrë këtë informacion që Kosova është në prag të një sulmi nga Serbia.
Pavarësisht retorikës së Vuçiçit, ka që 18-vjeç me këtë retorikë. Ai luan rolin e ujkut dhe qingjit”, u shpreh analisti Milaim Zeka.
/e.d
A mendoni se Rama ka fuqine qe ta mbroje Kosoven JO aspak dhe as Turqija nuk dote mundohet ,pse Vucici i ka regulluar planet e veta ja prej 22 viteve nuk beri as gje tjeter vete blejti arme per pregaditje ,kurse ne Shqiperi blenin satelitet,dhe ne Kosove ndegjonin perallat e Natos qe mos bleni arme se neve dote ju mbrojme ,por ju e dini se uji flen por armiku jo,i mjeri kombi Shqipetare qe mbetem jetima ne Bote ,edhe ata qe na konsiderojne si vellezer sot punojne se bashku dhe armatosin armikun .