Me një ftesë të posaçme drejtuar qytetarëve dhe gjithë të interesuarve, kryeministri Rama njofton mbajtjen e një takimi këtë të premte. Mësohet se aktiviteti do të mbahet në Pallatin Olimpik, ku do të bëhet prezantimi i platformës bashkëqeverisëse me njerëzit. Në ftesën e shpërndarë nga PS thuhet se njëherësh do të celen edhe zyrtarisht regjistrimet në koalicionin bashkëqeverisës.
FTESA
Në 25 qershor Shqipëria votoi që Partia Socialiste të bashkëqeverisës në një koalicion kuqezi me njerëzit e zakonshëm, pa dallim bindjesh politike e përkatësish krahinore.
Ky koalicion “Për Shqipërinë që duam” do të jetësohet përmes një sistemi inovativ ndërveprimi mes kabinetit qeveritar dhe qytetarëve të regjistruar si anëtarë të koalicionit.
Kryeministri i Shqipërisë, Edi Rama ka kënaqësinë e posaçme t’ju ftojë të merrni pjesë në prezantimin publik të Platformës së Bashkëqeverisjes dhe çeljen zyrtare të regjistrimeve në koalicionin qeverisës. /JavaNews/b.d
