Ministrat e qeverisë së parë të kryeministrit Edi Rama, të cilët nuk janë përfshirë tek qeveria e dytë, kanë filluar të dorëzojnë detyrat.
Një gjë të tillë ka bërë edhe Mimi Kodheli, e cila ka pasur takimin e fundit si Ministre Mbrojtje me rekrutët e rinj që sot janë dërguar në Shkollën e Trupës në Bunavi.
Duke ditur që Kodheli nuk do jetë më ministre, ata kanë menduar që t’i bëjnë një dhuratë asaj, pikërisht një shportë me lule ‘Orkide’
“E lumtur që daljen e fundit publike si ministre e Mbrojtjes e pata me rekrutët e rinj që sot përcollëm në Shkollën e Trupës në Bunavi. E lumtur dhe krenare sepse rekrutët atje do të gjejnë kushte absolutisht më të mira se 4 vite më parë dhe do të bëjnë karrierë në një strukturë shumë herë më të mirë se 4 vjet më parë”, shkruan Kodheli në profilin e saj në facebook.
Pas votimit në Kuvend dhe betimit në Presidencë të qeverisë së re, vendin e saj do ta zërë Olta Xhaçka. /b.d
