Mënyra më e mirë për të çuar përpara interesat themelore të dy vendeve dhe popujve është që të dy t’i përmbahen prirjes së historisë dhe drejtimit të duhur të marrëdhënieve dypalëshe, nënvizoi presidenti Xi Jinping në takimin me Kryeministrin e Indisë Narendra Modi gjatë vizitës në Kazan të Rusisë për Samitin e 16-të të BRICS-it.
Xi tha se të dy palët duhet të forcojnë komunikimin dhe bashkëpunimin, duke menaxhuar në mënyrë të përshtatshme diferencat dhe mosmarrëveshjet.
Gjithashtu ai vuri në dukje se si qytetërime të nderuara nga koha, vendet e mëdha në zhvillim dhe anëtarët e rëndësishëm të “Jugut Global”, Kina dhe India qëndrojnë në një fazë vendimtare të përpjekjeve tona përkatëse të modernizimit.
Modi tha se ruajtja e zhvillimit të qëndrueshëm të marrëdhënieve Indi-Kinë është shumë e rëndësishme për të dy vendet dhe popujt e tyre. Kjo është e lidhur me mirëqenien dhe të ardhmen e 2.8 miliardë njerëzve dhe është gjithashtu shumë e rëndësishme për paqen dhe stabilitetin rajonal dhe madje botëror.
Modi theksoi se në situatën aktuale komplekse ndërkombëtare, si dy qytetërime të lashta dhe dy motorë kryesorë ekonomikë, bashkëpunimi Indi-Kinë është i favorshëm për promovimin e rimëkëmbjes ekonomike dhe multipolaritetit botëror.
Të dy liderët vlerësuan pozitivisht progresin e rëndësishëm të bërë së fundmi nga të dyja palët në zgjidhjen e çështjeve që lidhen me zonat kufitare përmes komunikimit intensiv.
