Me të nuk do të flasim për rolin ku mund të luajë ai në kombëtare, por për gjërat tona. Do të ketë një takim me Balotelin”, konfirmoi trajneri, i pyetur nga gazetarët për planet e tij para ndeshjes së marsit me Shqipërinë.
Për këtë të fundit, Ventura ka bindjen e plotë se është një takim shumë i vështirë dhe ashtu si Oriali një ditë më parë, ka deklaruar se duke e ditur një gjë të tillë, është vendosur që sfida të zhvendosej në Sicili.“Më kanë thënë që Palermo nuk ka zhgënjyer kurrë kombëtaren, është një qytet që e do futbollin dhe e do kombëtaren. Shpresoj që të mos zhgënjejë as këtë vit pasi kemi dy ndeshje thelbësore, me Shqipërinë dhe Izraelin, pasi Spanja është një çështje krejtësisht ndryshe.
Në ndeshjet thelbësore kemi nevojë për publikun tonë. Nëse është e vështirë të luhet në disa fusha kundërshtare, uroj që të bëhet e komplikuar edhe për kombëtaret e tjera që të luajnë në shtëpinë tonë. Këtu në Federatë të gjithë më thonë se Palermo nuk ka zhgënjyer asnjëherë dhe nuk do ta bëjë as kundër Shqipërisë”, deklaroi Ventura, i cili kërkoi hapur mbështetjen e tifozëve për këtë sfidë.
Takim Ventura-Baloteli para Shqipërisë, trajneri: Ndeshje kyç!
Trajneri i Italisë Xhampiero Ventura, duket qartësisht se nuk e nënvlerëson ndeshjen me Shqipërinë. Përkundrazi, ai është gati të kthejë në kombëtare edhe Mario Balotelin për të siguruar tri pikët nga kjo ndeshje të cilën ai e vlerëson si thelbësore për ecurinë drejt Botërorit 2018.
“Unë flas me të gjithë, flas edhe me Balotelin. Por për takimin nuk është në dorën e tij pasi luan dhe ka vetëm një ditë në javë në të cilën është pushim, duhet të shkoj unë në Nicë për ta takuar. Por jam i bindur se do të kemi 500 telekamera që do na ndjekin në ato momente.
