Me buzëqeshje dhe një tufë lule në duar. Kështu u paraqit në aeroportin JFK të New Yorkut Michael Hochberg, për takimin me Krystyna Jakubowska, “motra” e madhe gjatë luftës së dytë botërore.
Holberg ishte vetëm katër vjeç kur familja e tij u mbyll në geton e Varshavës pasi ishin hebrenj, në pritje të transferimit dhe vdekjes në kampet e përqendrimit.
Por Krystyna Jakubowska, pak më e madhe se ai, e mori duke u shtitur sikur ishte motra.
Familja e saj e mbajti për dy vjet djalin e vogël, duke e prezantuar si fëmijë të adoptuar, pasi i kishin vdekur prindërit, duke e shpëtuar në këtë mënyrë nga vdekja.
Në fund të luftës, Michael u bashkua me disa të afërm të mbijetuar dhe më 1957 u transferua në Haifa të Izraelit, ku jeton edhe sot.
Kanë kaluar 70 vjet, por 77-vjeçari Michael Hochberg, baba i tre fëmijëve, nuk e harroi borxhin që e lidh me familjen e Krystynës.
Ndaj edhe kërkoi ta takonte shtatë dekada më pas, duke ia arritur edhe falë ndimës Fondacionit Hebraik për Drejtësi.
