Një Hënë gjigande ka “shëtitur” rrugëve të Kinës. Sigurisht nuk bëhet fjalë për satelitin e Tokës, por një Hënë plastike të fryrë me ajër si pjesë e zbukurimeve që për shkak të erës së fortë të tajfunit Meranti, u shkëput nga vendi ku ishte fiksuar dhe shkaktoi mjaft probleme në trafik në zonën e Fujianit.
Videot amatore të kalimtarëve të rastit e shfaqin atë gjysmë të shfryrë që rrotullohet përmes një kantieri ndërtimi, mbi makina dhe pranë këmbësorëve. Banorët e zonës i gjetën shumë shpejt nofkën dhe e quajtën hëna e çmendur.
Kjo hënë ishte vendosur për festivalin e mesit të vjeshtës në Kinë, por tajfuni që preku dje Kinën prishi atmosferën e qytetit, që ishte përgatitur për këtë rast.
BW/d.i.
