Në Romë u mbajt takimi i 12-të i Komitetit Qeveritar të Përbashkët Itali – Kinë mes Antonio Tajani, zv/Kryeministër i Italisë dhe Ministër i Punëve të Jashtme dhe Bashkëpunimit Ndërkombëtar dhe ministrit të jashtëm kinez , Wang Yi .
Në fjalën e tij Tajani vlerësoi pozitivisht zhvillimin e shëndoshë të marrëdhënieve Itali-Kinë dhe rezultatet e frytshme të arritura, duke deklaruar se miqësia midis dy vendeve ka rrënjë të thella historike.
Tajani vuri në dukje gjithashtu se Kina është ndër partnerët prioritarë të Italisë dhe pala italiane i kushton rëndësi të madhe mundësive të shumta që ofron tregu kinez.
Italia pret me padurim thellimin e mëtejshëm të shkëmbimeve dhe bashkëpunimit me Kinën në ekonomi dhe tregti, investime, shkencë dhe teknologji, kulturë dhe sport, si dhe forcimin e mirëkuptimit të ndërsjellë midis dy popujve, tha ai.
Tajani tha se Italia i përmbahet fort politikës së një Kine dhe nuk do të lëkundet kurrë në këtë qëndrim. Ai vuri në dukje se Kina, si anëtare e përhershme e Këshillit të Sigurimit të Kombeve të Bashkuara, luan një rol kyç në ruajtjen e paqes dhe zhvillimit botëror.
Italia është e gatshme të forcojë bashkëpunimin shumëpalësh me Kinën dhe të punojë së bashku për të nxitur zgjidhjen paqësore të çështjeve të tilla si konflikti palestinezo-izraelit dhe kriza e Ukrainës, tha ai.
Nga ana e tij ministri i jashtëm Wang Yi tha se bashkëpunimi Kinë-Itali është plot me pika të rëndësishme dhe i dobishëm për të dyja vendet dhe bëri thirrje për bashkëpunim të zgjeruar.
Wang tha se Kina dhe Italia janë dy ekonomi të mëdha që mbështesin tregtinë e lirë, dy forca të mëdha që mbrojnë multilateralizmin dhe dy qytetërime të lashta që mbështesin shkëmbimet dhe të mësuarit e ndërsjellë.
Të dyja palët duhet të ruajnë një frymë të hapur për të zgjeruar dhe optimizuar bashkëpunimin praktik. Gjithashtu të japin kontribute më të mëdha në zhvillimin ekonomik përkatës dhe mirëqenien e dy popujve me arritje të pasura bashkëpunimi, tha Wang.
