Zëvendëskryeministri dhe ministri i jashtëm Italian, Antonio Tajani, gjatë një takimi ndërqeveritar në Berlin, tërhoqi vëmendjen tek rajoni. Ai tha se ata nuk mund ta lënë Ballkanin në duart e Rusët, turqisë, sauditëve dhe kinezve, për arsye se “ne kemi nevojë për një prani të madhe industriale në Evropë dhe kjo varet nga vendet e mëdha të industrializuara”.
Tajani gjithashtu e konsideroi rajonin si “oborri i pasmë i Europës”, e cila duket se po kthehet në një fushëbeteje për influencë.
“Zona e Ballkanit është një prioritet për ne. Prania e Italisë dhe Gjermanisë në Ballkan duhet të bëhet pjesa kryesore e veprimit tonë drejt Lindjes. Ne nuk mund ta lëmë Ballkanin në duart e Rusët, turqit, sauditët dhe kinezët. Kjo është arsyeja pse ne kemi nevojë për një prani të madhe industriale në Evropë dhe kjo varet nga vendet e mëdha të industrializuara. Ne duhet t’i afrojmë këto vende me Bashkimin Evropian”, tha ministri i Jashtëm Antonio Tajani.
Vëmendjen e shtuar që po merr Ballkani në perëndim e dëshmoi qartë edhe turneu rajonal i sekretarit të përgjithshëm të NATO-s, Jens Stoltenberg. Ky turne erdhi pak ditë pas deklaratës së bujshme të presidentit ukrainas , Volodymyr Zelensky, se Rusia po planifikon një luftë në rajon, duke e kthyer atë një Lindje te mesme të dytë, raportojnë mediat italiane.
Stoltenberg u përpoq gjithashtu ta largojë frikën e një skenari të tillë dhe garantoi përkushtimin e aleancës për ruajtjen e paqes dhe stabilitetit në Ballkanin Perëndimor./m.j
