Pas vendimit të gjykatës së Apelit, për t’i ridhënë detyrën kreut të policisë Haki Çako, me të, është shfaqur në një lidhje Live, Ministri i Brendshëm Tahiri, i cili ka thënë se pavarësisht “gërvishtjeve dhe plagëve”, qeveria ecën përpara.
“…rruga jonë ka pengesa, ka vështirësi e sakrifica, por këto janë një konfirmimi për rrugën e duhru që kemi marrë. Në këtë kuadër cdo gërvishtje e plagë, na bën më të fortë dhe më të bindur se jemi në rrugën e duhur për një shoqëri më të drejtë.
Akuzat e opozitës nuk janë më të reja për mua, kanë shkuar mbi dy mijë akuzat e opozitës ndaj meje e policisë së shtetit. Cdo goditje që marrin segmentet e krimit e korrupsionit për reformën në drejtësi, ashtu si edhe opozita, na bindin akoma më shumë se duhet të vazhdojmë rrugën tonë.
Jam shumë i vetëdijshëm që qytetarët presin akoma më shumë prej nesh.. por mbi të gjitha, ata presin që drejtësia të jetë drejtësi dhe gjykatat të jenë të drejta. Është kjo vetëdije që na beson se jemi në rrugën e duhur.”- tha Tahiri./ java/ a.k
