Testimi i të rinjve që duan të bëhen pjesë e strukturave të policisë së shtetit ka nisur sot me një ceremoni ku drejtuesit më të lartë të MPB kanë mbajtur edhe fjalën e rastit.
Duke folur para konkurrentëve, ministri i Brendshëm Saimir Tahiri tha se pjesëmarrja në Polici nuk është një vend pune, por një shërbim ndaj atdheut.
“Shërbimi në policinë e shtetit nuk është i lehtë. Ka policë që bëjnë gabime dhe ne kemi qenë të gatshëm të marrim masa, por një shumicë dërrmuese e tyre e respektojnë ligjin. Nga ana tjetër, kemi policë të dekurajuar sepse ata që kanë shkelur ligjin, dalin nga burgu” – tha Tahiri.
Ministri i Brendshëm u ndal edhe te ngjarja e Gërdecit, e cila bën sot 8 vite. Sipas tij, një nga autorët e shpërthimit që vrau 26 njerëz sot udhëton jashtë shtetit.
Në përfundim, Tahiri premtoi se lufta ndaj të korruptuarve dhe promvimi i të aftëve do të vijojë.
