Në një prononcim për mediat pasi shprehu i shprehu ngushëllimet familjarëve të efektivit 50-vjeçar Ardian Kodra, ministri tha se do t’i kërkojë kryeministrit Edi Rama rritjen e pagës për punonjësit e Policisë së Shtetit, duke marrë shkas nga ngjarja e fundit dhe rreziku që marrin mbiu supe efektivët gjatë kryerjes së detyrës.
Ardian Kodra efektiv i Forcave të Ndërhyrjes së Shpejtë në Shkodër, humbi jetën gjatë aksionit për kapjen e të sëmurit mendor David Qosja, ku u qëllua me armë nga autori i cili qendronte brenda një banese në fshat.
Tahiri theksoi se do të përpiqet edhe për të modernizuar akoma më shumë Policinë e Shtetit dhe kërkoi mbështetjen e qytetarëve ndaj trupës policore.
“Kjo është një dhimbje shumë madhe për familjen, miqtë dhe të dashurit e Ardianit. Dhe është një goditje shumë e rëndë për Policinë e Shtetit. Është moment i veçantë për t’iu gjendur pranë familjes. Është moment i veçantë për t’i kujtuar të gjithëve sakrificat e policëve.
Ndaj në emër të gjithë atyre që sot kujtojnë me dhimbje Ardianin dhe të gjithë ata që kanë dhënë jetën për shtetin ligjor në Shqipëri, është momenti për t’i thirrur mendjes se punonjësit e policisë kanë nevojë për mbështetjen e çdo mendje të arsyeshme.
Do bëj gjithçka ti parashtroj Kryeministrit kërkesën për rritjen e pagave të punonjësve të policisë”, u shpreh ministri i Brendshëm Saimir Tahiri.
Kolegë të shumtë ngushëlluan të afërmit e efektivit të rënë në detyrë. Operacioni u përmbyll me kapjen në banesë të David Qoses, pas një plani ndërhyrje të hartuar në terren nga Drejtori për Siguri dhe Rend Altin Qato./r.a
