Ministri i Brendshëm, Saimir Tahiri, ka akuzuar në mënyrë të drejtëpërdrejtë kryetarin e Gjykatës së Tiranës, Fatri Islami, si të lidhur kokë e këmbë me familjen Berisha dhe emërimi në postin e kryetarit të kësaj gjykate e ka marrë si shpërblim politik. Sipas Tahirit, Islami njihet për lidhjet familjare me ish kryeministrin Berisha, si dhe ka qenë asistent i vajzës së ish kryeministrit, Argita Berisha. “Vetë gjykata ka pranuar ndryshimin e gjyqtarit të çështjes jashtë ligjit, jashtë rregullave, duke ia dhënë këtë çështje një gjyqtari të shkarkuar vite më parë pasi ka liruar nga burgjet, vrasës, përdhunues, grabitësish me armë. Kjo është hera e dytë që dëgjoj “justifikimin” për arësye shëndetësore, pas atyre të Lulzim Bashës, që nxirrte raporte mjekësore për të mos u paraqitur në Prokurori. Gjykata e Tiranës pranoi se ky është një skandal. Ka shkelur rregullat dhe ligjet, i cili ka dhënë vendim haptazi joligjore. Fatri Islami, kreu i Gjykatës së Tiranës, i cili ka bërë këtë, është i lidhur me Sali Berishën familjarisht. Ai është asistent personal i Argita Berishës. Kuptohet se për cilën arësye ai ka përzgjedhur në kundërshtim me ligjin, Arjan Aliajn që ka liruar nga burgjet vrasës dhe përdhunues, dhe që është shkarkuar për këto skandale”, ka deklaruar Tahiri.
Tahiri, me këtë rast, i ka kërkuar edhe Presidentit të Republikës, Bujar Nishani, si kreu i KLD-së, që të japë sqarime lidhur me arësyet se përse u përzgjodh Arjan Alia si gjyqatarë, i cili është shkarkuar, pasi ka liruar nga burgjet një vrasës dhe një përdhunues. Ministri i Brendshëm ka shprehur rezervat e tij lidhur me faktin se kreu i shtetit do të përgjigjet edhe për këtë rast, pasi një gjë të tillë ai nuk e ka bërë për dhjetra raste të tjera të denoncuara prej tij, për gjyqtarë të cilët haptazi kanë dhënë vendime në shkelje të ligjit. “Presidenti ka detyrim që të përgjigjet jo për mua por për publikun. Segmente të Prokuroris dhe Gjykatës po bëhen bashkë në frontin e së keqes për të mbajtur peng Reformën në Drejtësi. Ne do të turpërojmë çdo segment të drejtësisë, që synon të mbajë peng Reformën dhe që shkel ligjin”, ka theksuar Tahiri.
(javanews.al) Me. Ar
