Ministri i Brendshëm, Saimir Tahiri ka folur ditën e sotme për lirimin e Lul Berishës, kreut të Bandës së Durrësit. Ai ishte në të njëjtën linjë me ambasadorin Donald Lu, duke thënë se vendime të tilla të gjykatave dekurajojnë Policinë e Shtetit.
“Lirimi i tij të shërbejë si kambanë alarmi për ata që pengojnë vetingun. Ky proces është i vetmi që mund të pastrojë gjyqësorin nga korrupsioni. Këto vendime janë shprehje e atyre që bëjnë zullume për shkak të vetingut”, tha Tahiri.
Ai gjithashtu, në këtë 70-Vjetor të Policisë Rrugore, tha se nga 1 janari 2017, do të aplikohen gjobat progresive. Kështu, ata që shkelin më shumë rregullat e qarkullimit rrugor do të gjobiten më shumë, ndërsa ata që bëjnë rrallë shkelje do të kenë gjoba më të vogla.
ma.me
