Pas deklaratës së shefit të Interforcës të misionit italian në Shqipëri se avioni nuk ishte nisur nga Shqipëria, Tahiri ka thënë se është “rasti i radhës kur partnerët përgënjeshtrojnë rrenat banale të KryeShqupistit”.
Dje kryetari i PD Lulzim Basha tha se si do të përgjigjej ministri për këtë rast të përsëritur të avionëve me drogë. Kurse gjatë ditës së sotme, Basha publikoi në Facebook foto të parcelave me kanabis në fshatin Gusmar, që sipas tij, ruhen nga kreu i Ministrisë së Brendshme.
Tahiri i është përgjigjur duke i thënë se ato parcela mund të jenë edhe të kreut demokrat, për faktin se është krushk nga po i njëjti fshat.
“Rasti i radhës kur partneret pergenjeshtrojne rrenat banale te KryeShqupistit. Dje u shqye duke shpifur, sot do te kerkoje falje KryeShqupisti? Me standardin e akuzave ndaj meje, tani mund edhe te thote qe Ministri i Brendshem Italian eshte supertrafikanti i droges, sic zakonisht zbulon Shqupi dhe Shqupistat. Dhe meqe KryeShqupisti nxorri sot disa foto nga Gusmari, me kutin e tij te idiotsise, une i bie te them se ato qe shfaqi jane parcelat e krushqise ku eshte dhender, meqe jane nga ajo zone”, shkruan Tahiri në Facebook.
