Pas marrjes në pyetje në Prokurorinë e Krimeve të Rënda, ku dha dëshmi mbi dosjen “Shullazi” për kërcënimin e rektorëve, ish-ministri i brëndshëm Saimir Tahiri ka folur për Klement Balilin. Sipas Tahirit, fakti që Balili, nga drejtues institucioni, sot është në kërkim, një arritje e madhe. Tahiri tha se nuk i ka ngelur asnjë peng gjatë kohës që ushtronte detyrën e ministrit.
“Nuk kam asnjë peng si ministër i brendshëm. Balili në kohën që unë ushtroja detyrën nga person në dëtyrë, u bë person në kërkim. Nuk ka rëndësi se kur arrestohet, por ai nuk është më në krye të institucionit, por po kërkohet”, deklaroi Tahiri.
Tahiri deklaroi se dëshmoi në prokurori si një qytetar i barabartë para ligjit, duke dhënë kontributin për një shtet më të mirë dhe më të fortë. Sipas tij, kjo është arsyeja që na duhet reforma në drejtësi, që shqiptarët të jenë të barabartë para ligjit.
“Dhashë kontributin për një shtet më të mirë. Kontributi i çdo qytetari ndihmon që të kemi një Shqipëri më të drejtë. Ligji të jetë i barabartë për çdo qytetar. Është kjo arsyeja që na duhet reforma në drejtësi, na duhen politikanë që duan ligjin, që shqiptarët të kenë drejtësinë që meritojnë. Jam i bindur që deklarimi im do të jetë i administruar. Ka politikanë që edhe kur vrasin dhe vjedhin nuk vijnë në gjykatë. Se cfarë kanë deklaruar rektorët nuk e di, por unë bëra detyrën time qytetare”, deklaroi Tahiri
Ish-ministri i brendshëm foli edhe për akuzat e ish-kryeministrit Berisha. Tahiri tha se akuzat e Saliut vetëm sa e bëjnë më të fortë.
“Akuzat e Saliut më bëjnë më të fortë, jam mësuar me akuzat e tij. Nuk jam si Saliu që vret njerëz si në rastin e ’21 janarit’ e ‘Gerdecit’ dhe nuk paraqitet në prokurori”, deklaroi Tahiri./Javanews
a.ç
