Deputetja e Partisë Demokratike, Flutura Açka tha se njerëzit prezent që shkaktuan tensionin pas mbledhjes së kryesisë së PD-së duhet të kenë pasur arsye që kanë qenë të irrituar.
Sipas saj, nuk duhet mbajtur fokusi vetëm te agravimi i situatës, por dhe te një panoramë më e gjerë.
Moderatorja Erla Mëhilli nga ana tjetër i tha se ishte e surprizuar nga ky qëndrim dhe se priste që Açka ta denonconte denigrimin. Ajo i përmendi se Jorida Tabakun e kanë sulmuar shumë rëndë verbalisht, madje duke i përmendur dhe fëmijët.
“Brenda ka qenë një mbledhje maratonë, në përgjithsi mbledhjet tona janë të gjata sepse janë mbledhje ku njerëzit flasin deri në fund. Ka qenë 8 orë dhe nuk është fyer. Çfarë kanë qenë jashtë mund të kenë qenë njerëz të Partisë Demokratike dhe kanë qenë të shqetësuar,” – u shpreh Açka.
/a.r
