Deputetja e Partisë Demokratike, Jorida Tabaku deklaroi sot se, “taksa progresive e korrupsionit paguhet nga shqiptarët për koncesionet e dhëna nga kjo qeveri”.
“Fjalët më të dëgjuara kësaj vere kanë qenë koncesion dhe korrupsion. Me të drejtë shqiptarët pyesin; sa i kushtojnë buxhetit të shtetit nga taksat e tyre këto kontrata koncesionare? 560 milion euro është vlera faktike e buxhetit të shtetit paguar për këto kontrata koncesionare”, u shpreh Tabaku në një postim në rrjetet sociale.
Ndërkohë, shtoi deputetja e PD, “vlera reale e tyre është 50% e PBB”.
“Gjysma e pagesës së këtyre kontratave është nën hetim nga SPAK. Nuk bëhet fjalë për akuza të opozitës apo medias. Tashmë bëhet fjalë për akuza korrupsioni të faktuara. Të atij korrupsioni progresiv të vendosur në çdo kontratë dhe punë publike: Si inceneratorët, sterilizimi dhe check up-i. Këtu shkojnë taksat e shqiptarëve!”, theksoi ajo.
/a.r
