Deputetja e PD, Jorida Tabaku zhvilloi një takim me banorët e Bregut të Lumit në Tiranë.
Sipas Tabakut, këta banorë nuk kanë marrë akoma dëmshpërblim për banesat e shëmbura për Bulevardin e ri.
“Kjo që po ndodh në Tiranë është e paprecedentë, kjo që po ndodh me trajtimin e pronës është e paprecedentë. Këta banorë duhet të vlerësohen me të njëjtin standard që janë vlerësuar komshinjtë e tyre. Në dy lotat e para deri në 2013 në përgatitëm dy VKM ku të gjithë banorët u dëmshpërblyen me një çmim që varionte nga 23 mijë lekë deri në 26 mijë të reja për metër katëror për banesën” – tha deputetja e PD.
Sipas Jorida Tabakut, megjithëse matjet paraprake janë të bërë nga bashkia e mëparshme, para 2013, në 5 vite qeveria nuk ka marrë asnjë masë për të bërë një VKM të re që këta banorë të dëmshpërblehen.
“Kjo zonë ka qenë e diskriminuar dhe e sulmuar, sepse këta banorë që paguajnë taksa nuk e pëlqejnë sistemin” – tha ajo.
/A.Rada
