Deputetja demokrate Jorida Tabaku është tërhequr së fundmi nga politika aktive, por megjithatë e ndjek linjën e opozitës.
E ftuar në studion e “Ditar” në A2 CNN, Tabaku deklaroi se ajo mbështet shqetësimet që ka opozita sot, sidomos kur vjen puna te fati i debatit parlamentar.
Deputetja demokrate theksoi se ajo shkon në parlament dhe në komisione, por shton se ka insistuar që debati të bëhet në parlament.
Kam preferuar që t’u flas njerëzve. Po humbim mundësinë për t’ju drejtuar njerëzve,” shtoi Tabaku.
Sa i përket seancës së sotme parlamentare, e cila me shumë gjasa nuk do të zhvillohet në kushte normale, deputetja demokrate solli në vëmendje se në rend dite janë disa ligje shumë të rëndësishme që janë vendosur me qëllim për sot, në mënyrë që të kalohen me “fuqinë e kartonëve” dhe pa debat.
Tabaku komentoi edhe progres-raportin e BE-së për Integrimin teksa i bëri thirrje qeverisë që të “mos mburret me arritja imagjinare, por të merren udhëzimet e Brukselit, të kthehen në plan pune, në mënyrë që vendi të përfitojë nga fondet e caktuara nga Unioni.
/f.s
