Deputetja Jorida Tabaku, e cila i është bashkuar tanimë grupimit të Sali Berishës, ka dalë sot me një reagim publik mbi idenë e një Banke Shtetërore për Zhvillimin.
Tabaku akuzon qeverinë Rama se ky projekt ka synimin për të qenë një tjetër mekanizëm klientelist.
Por deputetja duket se nuk ndan të njejtin mendim me liderin e saj, Sali Berisha, i cili deklaroi po sot, se qeveria e ka vjedhur këtë ide nga premtimet e tij.
Në të njejtën ditë kur Tabaku e cilëson idenë si “firmë piramidale shtetërore”, Sali Berisha doli në media duke e mbrojtur këtë nismë, me pretendimin se qeveria aktuale e ka kopjuar nga programi i demokratëve.
“Rama ka dalë me një premtim para qytetarëve, premtim i paraqitur nga Sali Berisha nga 2012-2025 në mënyrë të përsëritur dhe ky premtim është Banka Shqiptare për Zhvillim. Si mundet një kryeministër pa u skuq pa u zbeh, vetëm se është hajdut, merr elementë të programit të kundërshtarit?”, tha Berisha.
