Kryetari i Partisë Demokratike, Lulzim Basha nga Kruja në një bashkëbisedim me të rinjtë tha se beteja kryesore e tij është kthimi i shpresës tek shqiptarët.
Gjatë bashkëbisedimit me të rinjtë, lideri i selisë iu përgjigj djalit të deputetit socialist Rrahman Rrajës, Rexhep Rrajës, i cili kohë më parë para mediave kur u lakua emri i tij për rastin “Xhisiela”, zgjodhi të “sfidonte” kryedemokratin duke thënë se: “Basha ta provojë në zgjedhje”.
Duke folur për standardet e zgjedhjeve, Basha theksoi se PD-ja synon t’i kthejë vendimmarrjen qytetarit dhe jo kriminelëve, që sipas tij, janë mbështetur nga kryeministri Edi Rama.
“Unë kam një tjetër garanci se nëse nuk ndalen, ju të kemi në fuqi ta shkarkoni, por pikërisht këtë mekanizëm e ka shkatërruar Edi Rama. Ai nuk ua ka dhënë fuqinë ju, por kriminelëve, Ia ka ëndrrën Tur Bushëve me shokë ua ka dhënë Rrajave. Ata bëjnë ligji dhe kur vjen dita e zgjedhjesh del ai bukuroshi atje dhe më thotë mua: Ta shoh Lulzim Basha për zgjedhjet. Dua t’i them sot atij (Rexhep Rrajës) se do ta shohësh ti, sepse kjo nuk është betejë për Lulzim Bashën dhe PD, por kjo është një betejë për të gjithë shqiptarët. Në zgjedhjet do të shkojnë dhe mjerë atë që do të guxojnë të prekin votën e shqiptarëve. Kjo do të jetë garancia për ju siç është në çdo vend normal. I mbajte premtimet do të fitosh, si mbajte ik në shtëpi, kjo është demokracia”, u shpreh kryedemokrati Basha.
