Një moment tensioni brenda radhëve të Partisë Demokratike ka ndodhur në një intervistë televizive ku deputeti Tritan Shehu është përfshirë në një debat me kolegë të tij, Oriela Nebiaj, duke e ndërprerë bisedën dhe braktisur intervistën mes përplasjes verbale.
Gjatë intervistës, e cila filloi me diskutime për ndarjen e përgjegjësive politike dhe mungesën e vetë-reflektimit brenda partisë, tensioni u rrit kur Shehu u përball me kritika dhe ndërhyrje të njëpasnjëshme nga bashkëbiseduesit.
“Asnjëherë nuk mbajnë përgjegjësi, por asnjë nuk mban përgjegjësi për asnjë copëz të pushtetit të tyre”, u shpreh një nga të ftuarit.
Situata u përshkallëzua kur në studio u shpreh skepticizëm mbi aftësinë e individëve të caktuar për të nisur apo vazhduar rrugëtimin politik:
“Më bën shumë skeptike, minimalisht nga do fillojë të mësojë – jo më të vazhdojë më tej në politikë…”, tha Nebiaj.
Në këtë moment, Tritan Shehu ndërhyri me nervozizëm, duke shprehur pakënaqësi për atmosferën dhe mungesën e respektit në diskutim:
“Unë nuk kam ndonjë… s’kam kohë t’ju dëgjoj komentet,” – tha ai, përpara se të largohej nga intervista, duke përmbyllur me një “Mirupafshim, ditë të mirë!”
