Nëntë ditë nga zgjedhjet e parakohshme legjislative në Greqi, partia e majtë radikale Syriza duket se ka fituar terren ndaj të djathtës Demokracia e Re, sipas një sondazhi të publikuar sot në të përditshmen ”Ephimerida ton syntakton”.
Partia e ish-kryeminsitrit, Aleksis Cipras mori 28,5 për qind të votave, sipas këtij sondazhi të institutit ”Pro rata” duke avancuar me pesë pikë partinë Demokraci e Re (ND) të Evangelos Meimarakis. Sondazhet e fundit të publikuara tregojnë një rezultat të ngushtë mes këtyre formacioneve.
Alexis Cipras, i cili afroi këto zgjedhje duke dhënë dorëheqjen më 20 gusht, pas një ndarjes brenda partisë së tij në reagim të fillimit të një plani të tretë për shpëtimin financiar të vendit, është konsideruar si më i aftë për të qeverisur nga 37 për qind e të pyeturve kundër 25 për qind për rivalin e tij të djathtë.
Përsa i përket aleancave për t’u arritur, në mungesë të maxhorancës absolute, ndryshe nga parashikimet e mëparshme, nuk duket ndonjë tendencë e qartë në favor të një koalicioni Syriza-ND. Cipras e ka përjashtuar në mënyrë kategorike këtë skenar, në përgjigje të thirrjeve të përsëritura nga Meimarakis.
Kjo mundësi kryeson preferencat e zgjedhësve, mbështetur nga 35 për qind e të pyeturve duke u ndjekur nga preferencat për një aleancë të Syrizas me partinë e qendrës To Potami (32 për qind).
