Kryeministri Edi Rama tha pasditen e sotme se ‘Shqipëria, e ardhmja jonë’ është slogain i Partisë Socialiste në këto zgjedhje.
Ai shtoi se kandidatët e PS mishërojnë vetë shoqërinë. Rama pati një koment edhe për listat e PD dhe LSI.
Ndërkohë, kryeministri shtoi se synimi i PS është vetëndryshimi.
“PS nën drejtimin e Fatos Nanos e pati pikë referimi vetëndryshimin. Gjatë gjithë periudhës së drejtimit tim jam përpjekur ta çoj më tej këtë bindje. Sot jam i bindur që kjo është e vetmja mënyrë për një parti politike që t’i rezistojë kohës dhe të përfaqësojë shoqërinë. Jo vetëm vetëveten.
Skuadra e Partisë Demokratike është zhgënjyese edhe për mua. Nuk besoj së ky ishte maksimumi që mund të bënte PD pavarësisht se ndodhet pa lidership. Ndërsa për listën e LSI-së, është lista e SPAK-ut dhe OFL-së.
Nuk kishte si të ndodhte ndryshe dhe më vjen keq për shumë të rinj e të reja që janë thjesht një enturazh si mezetë rreth karkalecave të tiganit të Monikës. LSI është një magazinë private që administrohet nga gruaja e Presidentit, që shet dokrra dhe blen vota” – tha Rama.
/JavaNews/a.r
