Fundjava sportive do të sjell për sport-dashësit derbin e Milanos, mes “Milanit” dhe “Interit”. Një sfidë që gjithnjë ka dhuruar surpriza. Këtë javë skuadrat kanë vijuar përgatitjet për sfidën në dhe gjithashtu kanë dhënë deklarata të cilat kanë ndezur këtë sfidë.
Një ndër lojtarët që e ndjen më shumë këtë ndeshje është Suso, një ndër lojtarët më të rëndësishëm të Milanit, i cili është përfolur shpesh për kalim tek Interi.
“Interi më kërkoi në vitin 2017 dhe verën e shkuar, por nuk e kam menduar kurrë largimin nga Milani, jam i kënaqur që kam qëndruar te kuqezinjtë”, tha ai në një intervistë për “Tuttosport”. “U habita kur Mirabelli tha që nuk dinte asgjë për ofertën e Interit, sepse kisha biseduar me të për këtë gjë. Synimi ishte të qëndroja te Milani”, shtoi Suzo.
“Kur isha i vogël çmendesha pas Kaka-së, lojtar me shpërthime të jashtëzakonshme dhe gjithnjë i kthjellët kur duhej të vendoste nëse duhej të pasonte apo të gjuante”, ka thënë Suzo më tej gjatë intervistës.
/b.d
