Ministri i Jashtëm i Iranit bëri një vizitë të shkurtër dhe të papritur në samitin e G7 në Francë të dielën.
Mohammad Javad Zarif mori pjesë në bisedimet në qytetin bregdetar të Biarritz, ku janë mbledhur liderët botërorë, përfshirë edhe presidentin amerikan Donald Trump.
Mediat raportojnë se delegacioni amerikan u befasua nga vizita e tij, e cila vjen në një kohë kur tensioni mes SHBA dhe Iranit është i lartë.
Zarif tha në Twitter se ai zhvilloi bisedime “konstruktive” me homologun e tij francez dhe presidentin Emmanuel Macron.
“Rruga përpara është e vështirë. Por ia vlen të provosh,”-shkroi ministri i jashtëm iranian mbrëmjen e së dielës, duke shtuar se është takuar edhe me zyrtarët gjermanë e britanikë.
Zarif gjithashtu u takua me Presidentin Emmanuel Macron në Paris të premten në prag të samitit.
Marrëdhëniet midis Iranit dhe SHBA janë përkeqësuar që kur Washington u tërhoq nga marrëveshja e vitit 2015 për të kufizuar aktivitetet bërthamore të Iranit vitin e kaluar.
Pesë kombe të tjera, përfshirë Francën, janë ende pjesë e marrëveshjes. Por Irani ka rinisur aktivitetin e tij bërthamor në përgjigje të SHBA që përforcoi sanksionet ekonomike kundër tij.
g.kosovari
