Partizani është rikthyer te fitoret në Superligë pas barazimit një javë më parë me Flamurtarin pasi ka mposhtur me rezultatin minimal 1-0 Laçin. Në takimin e fundit të javës së 13 vendosi goli i Jasir Asanit që këtë sfidë ndryshe nga radhët e fundit e nisi si titullar.
Mëngjarashi përfitoi nga një rrëmujë në zonë për të t’I dhënë kampionëve në fuqi këtë fitore ndaj një kundërshtari që në katër ndeshjet e fundit kishte marrë pikët e plota. Pas 13 javësh kampionat Partizani udhëheq me 25 pikë, 4 më shumë se vendi i dytë që mbahet nga Kukësi.
Nis me 15 minuta vonesë sfida e Partizanit, arbitri vërshëllen pas ardhjes së ambulancës së morgut
Vlen për t’u theksuar edhe fakti që kjo sfidë e zhvilluar në Elbasan Arena nisi 15 minuta me vonesë për shkak se mungonte ambulanca, një problem që u rikuperua në një moment të dytë.
