Nuk mjafton merkato dhe emrat e mëdhenj, por duhet zemra në fushë. Partizani e nisi me humbje fazën e tretë të kampionatit, pasi u mposht në Gjirokastër nga Luftëtari me rezultatin e pastër 2-0. Ramadani në pjesën e parë dhe Abazaj në të dytën shënuan dy golat e fitores për ekipin e Luftëtarit, ndërsa Partizani largohet akoma më shumë nga objektivi për titullin kampion.
Skënderbeu iu fal një goli të Jashanicës 4 minuta nga fundi për të marrë tre pikët përballë Flamurtarit. Ndërsa Laci mposhti Korabin në shtëpi. Kujtojmë që Kukësi fitoi dje me Vllazninë. Kukësi kryeson me 39 pikë, i ndjekur nga Partizani dhe Skënderbeu me nga 35 pikë.
ma.me
