Europol ka përfunduar operacionin e “Ciconia Alba”, i cili zgjati 6 ditë nga data 10 deri në 16 tetor dhe u shtri në 52 vende, përfshirë edhe Shqipërinë.
Nga operacioni u sekuestruan 2.4 ton kokainë, ndërsa u drejtua nga EuroGJUST, Frontex dhe Interpol.
Në përfundim të operacionit u arrestuan 314 persona, të cilët përpos drogës kalonin ilegalisht edhe emigrantë dhe trafikonin qenie njerëzore.
Sipas Europol janë kontrolluar 115 868 makina dhe 425 555 persona, janë hetuar 449 raste, 529 njerëz janë trafikuar nga banda, ndërsa janë sekuestruar 181550 Euro.
Në Shqipëri u arrestuan 10 persona, ndërsa u sekeustrua edhe një sasi e konsiderueshme kokaine nga policia në bashkëpunim me Europol.
Drejtori i Europolit Rob Wainwright deklaroi se reagimi ishte i shpejtë në koordinim me të gjitha vendet në shkatërrimin e rrjetit të trafikut.
Shqiptarja/d.i.
