Huawei ka deklaruar se numri i shitjeve globale të telefonave inteligjent të saj Honor 5X ka kaluar mbi 8 milionë. Lajmi është bërë i ditur nga Zhao Ming ( drejtori i kompanisë kineze) gjatë përurimit të Honor 5A në Kinë dje.
Ming gjithashtu tha se kompania është e bindur se shitjet deri në fund do të kalojnë mbi 10 milionë, shifër kjo e cila përbën një arritje historike, edhe pse ai nuk ka dhënë asnjë të afat specifik kohor.
Pajisja ka dalë në treg në Kinë në tetor të vitit të kaluar, dhe ajo doli në tregjet e Shteteve të Bashkuara të Amerikës këtë janar raporton Krokodili. Europa mori celularin vetëm disa ditë pas SHBA. Telefoni është në dispozicion si GR5 në Kanada./a.m.
