Modelja dhe mbretëresha e bukurisë së Venezuelës Andrea del Val ka tronditur rrjetin pasi publikoi pamje të rënda nga një hotel në Kanë, ku pretendon se është sulmuar fizikisht nga stilisti i njohur Giovanni Laguna gjatë aktiviteteve të Festivalit të Filmit në Kanë.
Në videon e shpërndarë në rrjetet sociale, Del Val shihet me fytyrën e mbuluar me gjak, ndërsa dhoma e hotelit duket e shkatërruar pas përplasjes së dyshuar. Ajo dëgjohet duke thënë në spanjisht: “Shikoni çfarë më bëri Giovanni Laguna”.
Sipas mediave ndërkombëtare, mysafirët e hotelit njoftuan policinë pasi dëgjuan britma dhe shenja të një konflikti fizik. Laguna u shoqërua më pas nga autoritetet franceze për t’u marrë në pyetje lidhur me incidentin. Deri tani nuk është konfirmuar nëse ndaj tij janë ngritur akuza zyrtare.
Giovanni Laguna njihet në Amerikën Latine si stilist i figurave publike dhe konkurenteve të spektakleve të bukurisë. Raportohet se Del Val mori ndihmë mjekësore dhe ndodhet jashtë rrezikut për jetën.
View this post on Instagram
