Të veshur me të zeza dhe të maskuar, rreth 100 persona u mblodhën në qendër të Stokholmit për të sulmuar emigrantët e mbërritur në vend.
Sipas policisë suedeze, grupi ka shpërndarë mijëra fletpalosje për të bërë thirrje dhe për të nxitur sulmet ndaj refugjatëve.
Dëshmitarë të shumtë kanë raportuar se agresorët kanë sulmuar të gjithë ata njerëz që besonin se ishin të huaj.
Megjithatë policia nuk ka konfirmuar ende dhunën, por ngjarja vjen pasi në vendin verior gjatë 2015 kanë aplikuar për azil 163 mijë emigrantë, numri më i lartë në Europë llogaritur për frymë.
Mediat vendase shkruajnë se të premten u shpërndanë fletushka në të gjithë kryeqytetin suedez me moton “Mjaft”!
Ata kërcënonin në këto fletushka se do t’iu japin dënimin që meritojnë të gjithë fëmijëve afrikanoveriorë që lëvizin nëpër rrugë.
Mediat vendase kanë publikuar disa materiale filmike të xhiruara të premten vonë, ku forcat policore përleshen me anëtarë të bandës në stacionin qëndror të Stokholmit.
Dhjetëra perosna janë arrestuar për fyeje ndaj forcave të rendit dhe prishje të rendit publik.
Sipas informacioneve jo zyrtare, thuhet se banda është e lidhur me grupet hiligane të futbollit, të njohur për agresionin e tyre.
Tensionet janë rritur pas vrasjes së 22-vjeçares, punonjese në një qendër strehimi për klandestinët, nga një 15 vjeçar emigrant.
