Gjatë takimit në Berat, kryeministri Edi Rama vuri theksin te mbrojtja kibernetike, duke deklaruar se Shqipëria sulmohet çdo ditë, në mënyrë sistematike nga hakerat.
Kërkoi që të ndërtohet një sistem i tillë, që institucionet në nivel vendor apo sektori privat, të investojnë në teknologji. “Armiku i padukshëm”, tha se nuk duhet neglizhuar pasi kemi të bëjmë me një nga vendet më të fuqishme të terrorizmit kibernetik, referuar Iranit.
“Te sektori privat jemi shumë larg, sepse qeveria është fokusuar te kjo që ditën e parë. Kemi kompani të mëdha që mund të bëjnë shumë për veten e tyre, dhe janë akoma të pambrojtura nga ana e Cyber, mund t’i sulmosh dhe t’i bësh copash.
Ne jemi në luftë më një nga vendet më të fuqishme të terorrizmit kibernetik. Kemi çdo ditë sulme sistematike, pa asnjë ekzagjerim. Ndodhi diçka dhe ndodhi mje një institucion të pushtetit vendor dhe nuk mund ta lejojmë këtë gjë, se nesër të sulmojmë një bankë, një spital privat, apo strukturë private të shpërndarjes së ushqimeve”, deklaroi kreu i qeverisë.
Ndërkohë, më herët tha se Shqipëria ka avancuar në shërbimet digjitale, por sektori privat kërkon edne shumë punë. Përfaqësuesve të sektorit të teknologjisë u kërkoi partneritet dhe diskutime intensive, qoftë për propozime apo financime.
