Një video e re e siguruar nga Sky News tregon momentin kur vrasësi fillon sulmin e tij brenda zonës së hotelit, duke filluar të shtëna me qëllim vrasjet të reja pas atyre që kishte kryer në zonën e plazhit, në Tunizi
Video tregon gjendjen kaotike dhe të frikshme në momentet e sulmit terrorist i cili la të vdekur 37 turistë.
Ajo gjithashtu tregon edhe reagimin e guximshëm, deri në përballje me vdekjen të stafit të sigurisë së hotelit të cilët shihen teksa përpiqen të shpëtojnë mysafirët e tyre.
Imazhet e kapura nga një banor lokal tregojnë përpjekjet për ta identifikuar se ku ndodhet njeriu i armatosur.
Në një moment kameramani amator dëgjohet teksa thotë: “Ai po vjen këtej”. Nga 37 të vrarët raportohet se 30 janë shtetas britanik, që kishin shkuar për pushime në bregdetin e Sousse në Tunizi. Në fotot më poshtë janë disa nga turistët që u vranë në këtë sulm terrorist.
