Policia londineze njoftoi sot se ka lënë në gjendje të lirë pa asnjë akuzë të vërtetuar kundrejt personit të fundit ndaj 12 të arrestuave në kuadër të hetimit për lidhje me sulmin që përfshiu kryeqytetin britanik javën e kaluar.
“Të gjithë personat e arrestuar për lidhje me sulmin terrorist në Westminster më 22 mars u lanë të lirë pa ndjekje të mëtejshme ligjore”, shkruan Scotland Yard në një deklaratë.
“Personi i liruar sot nga paraburgimi është një burrë rreth të 30-ve i arrestuar në Birmingham (qendër)”, bëri të ditur policia.
Katër persona vdiqën dhe rreth pesëdhjetë të tjerë u plagosën në sulmin e ndërmarrë nga Khalid Masood, 52 vjeçar mbi urën në Westminster përpara Parlamentit britanik, ku mbeti i vrarë dhe agresori./a.m.
