Të paktën 93 persona janë vrarë dhe më shumë se 100 janë plagosur pasi persona të armatosur hapën zjarr të premten një koncert rock në Crocus City Hall në një periferi të Moskës, thotë inteligjenca ruse.
Grupi i Shtetit Islamik ka pretenduar se ka kryer sulmin dhe tha se përgjegjësit u arratisën.
Ukraina ka mohuar çdo përfshirje me këtë ngjarje të rëndë. Pas ngjarjes, siguria në Rusi është forcuar ndërsa garda kombëtare është vënë në gatishmëri.
Autoritetet e Moskës kanë arrestuar 11 persona, 4 prej të cilëve morën pjesë drejtpërdrejt në sulmin terrorist në koncertin “Crocus” , sipas informacionit të dhënë nga kreu i FSB në Kremlin dhe riprodhuar nga RIA Novosti.
“Drejtori i FSB-së i raportoi Putinit për arrestimin e 11 personave, duke përfshirë katër terroristët që morën pjesë drejtpërdrejt në sulmin terrorist ”, tha zyra presidenciale. Numri i të vdekurve ka shkuar në 93.
Ministri rus i Shëndetësisë Mikhail Murasko tha në orët e para se 115 persona janë shtruar në spital, pesë prej tyre fëmijë . Muzikantët e grupit Picnic nuk u lënduan gjatë të shtënave, tha menaxheri i tij Yuri Chernyshevsky për TASS. Presidenti rus Vladimir Putin u uroi “shërim të shpejtë” të plagosurve në sulm, njoftoi agjencia e lajmeve TASS.
