Tre persona të cilët dyshoheshin se kishin planifikuar një sulm ndaj kombëtares së Izraelit janë lënë të lirë. Mësohet se gjykata ka vendosur masën ‘arrest shtëpie’ për Ergys Faslia, Xhevair Fishti si dhe Medat Hasanin.
Vendimi për lirimin e tyre ishte për faktin se të pandehurve u kishte mbaruar afati i qëndrimit në paraburgim. Seancat për rivlerësimin e masës së tyre ishte bërë në datën 7 nëntor, ndërkohë që pritet të jepet masa nga gjykata për mjekun Bekim Protopapa. Për këtë të fundit nuk ka ende kërkesë nga Prokuroria.
(Medat Hasani)Këta persona u arrestuan në muajin nëntor të vitit të kaluar në Shkodër, si të lidhur me organizatën terroriste ISIS dhe militantë të saj me origjinë shqiptare dhe Kosovare, pasi dyshohet se po planifikonin një sulm me armë kundër kombëtares izraelite. Skuadra e futbollit të Izraelit, do të luante në datën 12 nëntor 2016-të në stadiumin e Shkodrës në “Loro Boriçi” ndeshjen e futbollit me Shqipërinë, që u zhvillua më pas në ‘Elbasan Arena’, nën masa të rrepta sigurie.
a.ç
