Të paktën 6 persona kanë humbur jetën nga një sulm me thikë në një qendër tregtare në periferi të plazhit të Sidney-t. Në mesin e viktimave është edhe autori i cili është qëlluar nga policia pasi nuk kishte mënyrë tjetër për ta ndaluar. Ende nuk dihen arsyet që e kanë çuar të kryejë këtë krim të rëndë.
Mediat e huaja shkruajnë për 7 të plagosur, të cilët janë në spital, në gjendje kritike. Mes tyre dhe një fëmijë, mamaja e të cilit fatkeqësisht ndërroi jetë më herët. Qindra njerëz u evakuuan nga qendra tregtare pas incidentit dhe qytetarëve iu kërkuan të shmangnin zonën për arsye sigurie.
Dëshmitë për ngjarjen janë rrëqethëse.
“Njerëzit i nxorrën me nxitim nga qendra tregtare, shihja ekipe pafund të policisë kudo”, tha një qytetar.
“Pashë një grua të shtrirë në tokë, u futa në një dyqan bizhuterish”, tha një tjetër.
Video ku shihet autori me thikë në dorë:
Kryeministri i vendit Anthony Albanese tha përmes një konference për shtyp se ka mbetur pa fjalë me pamjet e krimit makabër. “Akt horror dhune ndaj njerëzve të pafajshëm të cilët thjesht po bënin shopping në fundjavë. Ngushëllimet tona shkojnë për familjarët e viktimave“, deklaroi ai.
/a.r
