Ministri i Brendshëm, Sandër Lleshaj reagoi pas episodeve të dhunës në KZAZ-në e vendosur në shkollën e mesme “Nazmi Rushiti”.
Lleshaj paralajmëroi ndëshkim sipas ligjit për çdo formë krimi.
“Verbëria e dhunës politike po sulmon sot me molotov KZAZ e vendosur në shkollën “Nazmi Rushiti” dhe Policinë në Dibër, nën drejtimin e përfaqësuesve të lartë të opozitës.
Ligji do të veprojë pa asnjë mëdyshje ndaj çdo forme të krimit”,shkruan Lleshaj në Tuiter.
Në disa KZAZ, sidomos në bashkitë që drejtohen nga të zgjedhurit e opozitës, janë regjistruar disa incidente, deri edhe në djegien e materialeve zgjedhore.
