Kryeministri i Greqisë, Kyriakos Mitsotakis, reagoi pas incidentit të ndodhur në aeroportin Leipzig/Halle, duke shprehur mbështetjen e plotë të Athinës për Gjermaninë.
Ai theksoi se përpjekjet për të frikësuar demokracitë nuk do të kenë sukses dhe shtoi se Greqia mbetet e palëkundur në ruajtjen e një force parandaluese të besueshme për mbrojtjen e qytetarëve dhe sigurisë kombëtare.
Nga ana e saj, Gjermania konfirmoi se Rusia është zyrtarisht e përfshirë në tentativën e sulmit me dron kundër një aeroplani transporti ukrainas në Leipzig.
Në një postim në platformën “X”, ai theksoi se përpjekjet për të frikësuar demokracitë nuk do të kenë sukses dhe se Greqia mbetet e palëkundur në ruajtjen e një force parandaluese të besueshme për mbrojtjen e qytetarëve dhe sigurisë kombëtare.
Ministri i Brendshëm gjerman, Alexander Dobrind, e cilësoi incidentin si pjesë të sulmeve hibride të Moskës në Evropë dhe paralajmëroi se kërcënimi ndaj Gjermanisë është i lartë.
“Ne nuk jemi në luftë, por jemi një objektiv i përditshëm i sulmeve hibride”, deklaroi ai.
Ministri i Jashtëm gjerman njoftoi masa të menjëhershme, përfshirë mbylljen e konsullatës ruse në Bon dhe të Shtëpisë Ruse në Berlin, si dhe thirrjen e ambasadorit rus për shpjegime.
Ai theksoi se Berlini do të vazhdojë mbështetjen për Ukrainën, duke e cilësuar incidentin pjesë të një serie të gjatë operacionesh destabilizuese kundër Evropës.
Sekretari i Përgjithshëm i NATO-s, Mark Rutte, përshëndeti masat e Gjermanisë dhe përsëriti se angazhimi i Aleancës ndaj Ukrainës mbetet i palëkundur.
Ai nënvizoi se NATO do të forcojë aftësinë për të penguar dhe mbrojtur të gjithë aleatët kundër çdo kërcënimi, përfshirë veprimet dashakeqe si ato të regjistruara në Leipzig.
Nga Moska, zëdhënësja e Ministrisë së Jashtme, Maria Zakharova, paralajmëroi se Rusia do t’u përgjigjet “veprimeve anti-ruse” të Gjermanisë, pas vendimit të Berlinit për mbylljen e qendrës kulturore ruse në Berlin dhe konsullatës në Bon.
Incidenti ka shtuar tensionet mes dy vendeve, duke konfirmuar përshkallëzimin e përballjes hibride në kontinentin evropian.
