Kryetari i bashkisë së Tiranës, Erion Veliaj duke folur për sulmin kibernetik të drejtuar nga Irani, gjatë dy muajve ndërprerje të shërbimeve digjitale, bashkia ka humbur 20% të të ardhurave.
“Sot kemi bërë një bilanc në Bashkinë e Tiranës, ku ndërprerja e shërbimeve në këtë bashki në korrik-gusht, licencat, taksat, shërbime që janë dizajnuar për të lehtësuar jetën e qytetarëve, do të thotë se ne u plenalizuam.
Qartazi Irani ishte pas sulmit. Irani ishte pas atij veprimi, dhe për sulmin që patëm në sistemin TIMS. Bashkia e Tiranës humbi 2 muaj të ardhura nga sulmi. Dy muaj, duke menduar se janari dhe dhjetori janë ‘muaj të vdekur’ janë 1/5 e të ardhurave të bashkisë. 20 % të ardhura të munguara”, tha Veliaj.
Kreu i Bashkisë Tiranë gjatë një interviste për Neës 24 tha se Shqipëria ka marrë ndihmë nga SHBA në mënyrë që këto sulme të mos vazhdojnë.
“Na duhet mbështetje. Fillimisht kanë qenë agjent të FBI që ndihmuan për të sjellë sisteme të tjera. Por na duhen sisteme parandaluese për të paraprirë çdo situate.”, tha Veliaj.
