Policia franceze dhe ajo belge po kërkojnë edhe dy të dyshuar të rinj të cilët akuzohen për ndihmë ndaj të dyshuarit të arratisurin nga Parisi që mori pjesë në sulm Salah Abdeslam. Zyra e prokurorisë belge deklaron se dy të dyshuarit që janë shpallur në kërkim janë “të armatosur dhe të rrezikshëm”. Ata mendohet se kanë ndihmuar Abdeslam të udhëtojë në drejtim të Hungaris në muajin shtator.Hetuesit shprehen se Abdeslam mund të ketë shtyrë sulmuesit vetëvrasës në Stade de France në drejtim tyë objektivave të tyre në natën e sulmeve të Parisit, ku mbetëm të vrarë 130 persona dhe mbi 350 të plagosur. Sipas policisë belge, Abdeslam ka shkuar në drejtim të kufirit Hungari – Austri në muajin shtator i shoqëruar nga dy burra me ID të rreme me emrat Soufiane Kayal dhe Samir Bouzid. Prokuroria Federale belge bën të ditur se për ngjarjet në Paris janë në kërkim edhe dy të dyshuar. Roli i saktë Abdeslam në sulmet e Parisit mbetet ende i paqartë Ka ide se ai kishte për qëllim që të kryente një sulm vetëvrasës në natën e përgjakshme në paris, por u tërhoq. Belgjika ka nxjerrë edhe një urdhër arresti ndërkombëtar për një tjetër të dyshuar , 29 -vjeçarin Mohamed Abrini, i cili ngiste makinën në të cilën Abdeslam ishte pasagjer, kur makina ndaloi në një pikë karburanti në Ressons , në autostradë në Paris. Emri i rremë Soufiane Kayal është përdorur për të marrë me qira një shtëpi pas sulmeve Parisit . Ndërsa letërnjoftimi i Samir Bouzid është përdorur për të transferuar të holla për Hasna Aitboulahcen , kushëriri i kreut të sulmeve Abdelhamid Abaaoud, katër ditë pas atentatit në Paris. Aitboulahcen dhe Abaaoud u vranë në një bastisjeje të policisë në periferi të Parisit Saint-Denis , së bashku me një të tretë, që është ende person i paidentifikuar .
