Ministria e Jashtme e Shqipërisë ka reaguar në lidhje me sulmet e armatosira të ndodhura mëngjesin e sotëm në Kumanovë të Maqedonisë.
Përmes një komunikate për shtyp, Ministria e Jashtme dënon aktet e dhunës, ndërsa bën apel për qetësi dhe vetëpërmbajtje që po sjellin pasoja të rënda edhe në njerëz.
Sipas MPJ gjuha e urrejtjes dhe veprimet ekstreme duhet t’i lenë vend shtetit ligjor. Ministria bën apel gjithashtu që të respektohet Marrëveshja e Ohrit si esenciale për stabilitetin në rajon.
“MPJ dënon aktet e dhunës në Maqedoni dhe bën thirrje për qetësi. Ministria e Punëve të Jashtme e RSH është duke ndjekur me vëmendje situatën e orëve të fundit në Maqedoni dhe shpreh shqetësimin e saj për situatën e krijuar, me pasoja të rënda në jetë njerezish, dëmtime të pronës dhe rendit publik. Dënojmë aktet e dhunës dhe bëjmë thirrje për qetësi, vetëpërmbajtje dhe për mos përshkallëzik të mëtejshëm të situaës, e cila nuk i shërben stabilitetit demokratik dhe prosperitetit të Maqedonisë. Gjuha e urrejtjes dhe veprimet ekstreme duhet t’i lenë vend angazhimit ndaj të drejtave themelore, demokracisë dhe shtetit ligjor. Harmonia e marrëdhënieve ndëretnike, sanksionuar në Marrëveshjen e Ohrit, është esenciale për stabilitetin demokratik dhe busull orientuse për rrugëtimin Euro-Atlantik të Maqedonisë.” shprehet Ministria e Jashtme e Shqipërisë
Redaksia Online
(JavaNews.al)
