Franca do ta vijojë deri në fund misionin e saj për të evakuuar njerëzit nga Afganistani pavarësisht sulmeve të sotme në aeroportin e Kabulit. Lajmin e bëri të ditur Pallati Élysée përmes një deklarate.
“Presidenti i republikës dënon me tone të ashpra sulmet terroriste që ndodhën sot pranë aeroportit të Kabulit. Presidenti shpreh ngushëllimet e tij për familjet e viktimave amerikane dhe afgane, shpreh mbështetjen e tij për të plagosurit dhe përshëndet heroizmin e atyre që janë në terren për të kryer operacionet e evakuimit ”, thuhet në deklaratë.
Women and children running for their life after #Kabul airport explosion in #Afghanistan. pic.twitter.com/a1kXrETAx9
— The Daily Canada (@thedailycanada) August 26, 2021
“Franca do t’i vazhdojë evakuimet deri në fund dhe do t’i vijojë përpjekjet e saj humanitare dhe mbrojtëse për afganët e kërcënuar.”
Ndërkohë, në Afganistan janë regjistruar deri më tani të paktën 7 shpërthime. Për sulmet përgjegjësi ka marrë grupi militant ISIS.
g.kosovari
