Fotot nga sulmi tragjik që goditi sot kryeqytetin e Europës po bëjnë xhiron e botës nga vetë tragjizmi që ata përcjellin. Një prej fotove që ka rënë më në sy dhe po diskutohet nga të gjithë në rrjetet sociale është ajo e basketbollistit elg Sebastien Bellin, 37 vjeç, që aktualisht luan me skuadrën e Gent Haëks (që prej vitit 2013).
Ai ishte mes personave të plagosur sot në aeroportin e Zavantem në Belgjikë, ai shihet i shtrirë në hollin e aeroportit e për fat të mirë ndodhet jashtë rrezikut për jetën.
Lojtari është plagosur nga shpërthimi dhe më pas është transportuar në spital, ku dhe i është nënshtruar një ndërhyrje kirurgjikale.
Lajmin e ka konfirmuar në faqen zyrtare të “Twitter” skuadra belge ku aktivizohet lojtari me origjinë braziliane por i natyralizuar belg, që po nisej me avion. Shqiptarja.com
