Terroristi Brahim Abdeslam zbret nga makina, hyn në restorantin Comptoir Voltaire dhe duket sikur do të shkojë drejt një tryeze bosh. Por, nuk shkon atje. Pozicionohet mes tavolinave dhe ndalon.
I veshur me të zeza, ul kokën, ngre dorën e majtë drejt fytyrës dhe shpërthen brezin eksploziv që mbante të fshehur.
Një re tymi dhe gjymtyrët e Abdeslamit shkëputen nga trupi.
Pamje shqetësuese, por për herë të parë filmime nga kamerat e sigurisë brenda restorantit janë transmetuar nga një televizion francez, në përpjekje për “të treguar dhunën e gjërave”, sipas regjizorit Christian Huleu.
Pamjet u transmetuan në programin Zone Interdite (Zonë e ndaluar) në kanalin M6.
I pabesueshëm është fakti që viktimë e shpërthimit mbeti vetëm Abdeslam, ndërsa nga klientët pati 20 të palgosur, katër prej të cilëve rëndë, por asnjë nuk vdiq.
Përsa i përket Abdeslamit, trupi i tij u copëtua në mënyrë të tillë nga eksplozivi sa që identifikimi u arrit të bëhej vetëm nga një copë e vogël gishti.
